"അതേയ്, ആ മൊട്ടറൊന്നിട്വോ!"
'.......'
"കേട്ടില്ല്യേ, പൂയ്!?"
'.......'
"ആ മോട്ടറൊന്നിടാൻ!!!"
"അതേയ്, ജാനൂ! ദേ മോട്രിടാൻ!. എത്രനേരായി ചന്നരൻ മോളീന്ന് വിളിച്ചു പറേണൂ!"
മഴക്കാലപൂർവ്വ വാട്ടർ ടാങ്ക് ക്ലീനിങ്ങിന് ടെറസ്സിൽ കയറിയതാ. തേച്ചു കഴുകി അവസാനവട്ട വാഷിങ്ങിനായി മോട്ടോർ സ്റ്റാർട്ടാക്കാൻ മുകളിൽ നിന്ന് എത്ര വിളിച്ചു കൂവിയിട്ടും താഴെ നിന്ന് നോ റെസ്പോൺസ്. തരിക്ക് കേൾക്കുന്നില്ലത്രെ! ആക്രോശങ്ങൾ കേട്ട് അയൽപത്തത്തുള്ളവർ വന്നു പറഞ്ഞാണ് അറിഞ്ഞത്!
എല്ലാ തവണയും സംഭവിക്കുന്നതാണ്. മാറ്റമുള്ളത് പക്ഷേ മാറ്റത്തിനു മാത്രം!
കുടുംബത്തിലെ ക്രമസമാധാനം തകരാറിലാക്കുന്ന പ്രതിഭാസമാകുന്നു ഓവർ ഹെഡ് വാട്ടർ ടാങ്ക് ക്ലീനിങ്ങ്!
അടുത്ത തവണ കയറുമ്പോൾ മൊബൈൽ കരുതണം. കോണിയിറങ്ങുമ്പോൾ ഓർത്തു!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ