അന്യോന്യം

അന്യോന്യം

കൊച്ചുമകനെ സ്കൂളിലേക്കുള്ള കാബിൽ കയറ്റി വിടാൻ കൊണ്ടു പോകുമ്പോഴാണ് കക്ഷി ഇങ്ങോട്ട് കയറി പരിചയപ്പെട്ടത്. പത്തമ്പത് വയസ്സു കാണും

കുട്ടി ഏതു ക്ലാസ്സിലാണ്?

പ്രീസ്കൂൾ.

എത്ര വയസ്സായി?

മൂന്നര.

മുത്തച്ഛനാണ്.

എവട്യാ നാട്?

തൃശ്ശൂർ.

തൃശ്ശൂരെവടെ? ഞാൻ തൃശ്ശൂക്കാരനാ. വടക്കാഞ്ചേരി

പുറനാട്ടുകര.

പുറനാട്ടുകര. അവടെ എൻ്റൊരു പരിചയക്കാരൻ ഉണ്ടായിരുന്നു. പുള്ളി അപ്പോളോ ടയേഴ്‌സിലായിരുന്നു മരിച്ചു പോയി.

അറിയാം അവൻ എൻ്റെ ക്ലോസ് ഫ്രൻഡായിരുന്നു. മുരളീധരൻ.

മുരളീ... അല്ലാട്ടോ ഗംഗാധരൻ.

ഗംഗാധരനല്ല മുരളീധരൻ. നിങ്ങള് പറേണ ഗംഗാധരനെയും ഞാനറീം. ഗംഗേട്ടൻ എന്ന് നമ്മള് വിളിക്കും. നാട്ടീന്ന് വിവാഹം ചെയ്തയാളാ.പുള്ളി പക്ഷേ പ്രീമിയർ ടയേഴ്സി ലായിരുന്നു.

ഏയ്! കക്ഷി അപ്പോളോലായിരുന്നു.

ഗംഗേട്ടൻ കളമശ്ശേരി പ്രീമിയർ ടയേഴ്‌സിലായിരുന്നു. അപ്പോളോ അന്ന് വന്നട്ടില്ല്യ.

കളമശ്ശേരീല് അപ്പോളോ ആണ്സാർ.

അതെനിക്കറിയാം.

പിന്നെന്താ പ്രീമിയർ ടയേഴ്‌സ് എന്ന് പറഞ്ഞേ?

ഗംഗാധരൻ വർക്കീയണ കാലത്ത് അത് പ്രീമിയർ ടയേഴ്‌സായിരുന്നു സൂർത്തേ! അങ്ങേരതീന്ന് പോന്നേ പിന്ന്യാ ചാലക്കുടി പേരാമ്പ്രേല് അപ്പോളോ ടയേഴ്‌സ് വന്നതും പിന്നീട് റൌണക് സിങ്ങ് വാങ്ങി പ്രീമിയർ ടയേഴ്സ് അപ്പോളോ ടയേഴ്സായീതും.

പ്രീമിയർ ടയേഴ്സോ? അങ്ങനെഒന്നുണ്ടോ?

ഉണ്ടായിരുന്നു. ഇന്ത്യേലെ ഏറ്റവും മികച്ച ഫുട്ബോൾ ക്ലബ്ബുകളില് ഒന്നവരട്യാർന്നു. സേവ്യർ പയസ്, സി.ഡി. ഫ്രാൻസീസ്, നജീബ്, ജാഫറ്, വില്യംസ്, പി.പി. പ്രസന്നൻ, വിക്ടർ മഞ്ഞില, സേതുമാധവൻ ന്നൊക്കെ കേട്ടിട്ടില്ല്യേ? ഒരു കേരള ടീമന്ന്യാർന്നു.

അ:അ:ആ! ആ പ്രീമിയർ ടയേഴ്സ്! അവർക്ക് ടയറ് കമ്പനീണ്ടാർന്ന്വോ!

മുത്തച്ഛാ കാബ്...

See less